सर्लाही जिलाक उइख (कुशियार) किसान चिनी उद्योगसँ पाइ नइँ भेटलाक बाद संघीय राजधानी काठमाण्डूमे आइबक’ प्रदर्शन क’ रहल अछि । ओसभ राजधानीक माइतीघर मण्डलामे सरकार माघमहिनाक पहिल सप्ताहभितरमे पाइ दिअएबाक प्रतिबद्धता केलक अछि ।
मुदा किसानसभ सरकार बेर बेर आश्वासन दैतो कार्यान्वयन नइँ कएने कहैत प्रदर्शन जारी रखबाक चेतावनी देलक अछि । किसानक करोडो रुपैया बाँकी रहितो चिनी उद्योग कोनो बास्ता नइँ केलाक बाद राजधानीधरि आब’लेल बाध्यभेल किसानसभक कहब अछि । सरकार चिनी उद्योगके कारवाही करबासँ आनाकानी कएलाक कारणेँ हरेक वर्ष उइख किसान पीडित होइत अछि ।
हरेक बेर सरकार बनलाकबाद आ नव उद्योग मन्त्री बहाल भेलाक बाद उइख किसानके भरोसा दिआओल जाइत अछि जे मिल सञ्चालकसँ पाइके भुक्तानी कराएब, उइखके मूल्यमे देखल समस्या समाधान करब । मुदा ओ आश्वासनसभ पूरा भेल रहैत त पुसक ठण्ढीमे किसान बिमार पडिक’ माइतीघरमे सुतबालेल बाध्य नइँ होइत ।
सरकारी तथ्यांक अनुसार चिनी उद्योग किसानक करोडो रुपैया बाँकी रखने अछि । कृषि विकास तथा पशुपंक्षी मन्त्रालयक तथ्यांकअनुसार बागमती सुगर मिल किसानक ८ करोड, लुम्बिनी चिनी उद्योग १० करोड, इन्दिरा सुगर प्रा.लि.११ करोड बाँकी रखने अछि ।
कोई टिप्पणी नहीं:
एक टिप्पणी भेजें