मधेशी समुदायक युवाकेँ निजामती सेवामे प्रवेश करएबालेल सहयोग करबाक बास्ते मधेशी आयोग लोक सेवा आयोगक निः शुल्क तयारी कक्षा संचालन शुरु कएलक अछि । आयोगक अध्यक्ष विजय कुमार दत्त आयोग इएह पुस ४ गतेसँ काठमाण्डूमे अधिकृत स्तरक पथम पत्रक तयारी कक्षा शुरु भेल जानकारी देलन्हि ।आयोग सूचना जारी करैत इच्छुक उमेदवारसँ तालिममे सहभागी हेबाक लेल निवेदन देबाक आह्वान कएने छल । लोक सेवा आयोगक अधिकृत स्तरक प्रतिस्पर्धामे सहभागी हेबाक इच्छुक स्नातक तह उत्तीर्ण नेपाली नागरिक (मधेशी) सँ आवेदन आह्वान कएल गेल छल ।
आयोगक अध्यक्ष दत्तक अनुसार काठमाण्डूमे ५० गोटेके तयारी कक्षामे सहभागी कराओल जायत जाहिमे एक तिहाइ महिलाक सहभागिता रहत । आयोग पहिल बेर एहन तयारी कक्षाक सुरुवात क’ रहल कहैत अध्यक्ष दत्त एहिके प्रदेश १, २ आ ५ मे सेहो निरन्तरता देल जायत से कहलनि । ओ कहलनि ‘विराटनगर, जनकपुर आ नेपालगंजमे सेहो नायब सुब्बा तहके तैयारी कक्षा सञ्चालन कएल जायत ।’
राज्यमे मधेशी समुदायकेँ पहँच बिस्तार करएबालेल सशक्तिकरण आवश्यक रहल कहैत ओ आयोग मधेशी युवाकेँ सशक्त बनाक’ प्रतिस्पर्धामे अब्बल बनाब’ चाहैत अछि । तेँ एहिकेँ शुरुवात लोकसेवाक तयारी कक्षासँ भ’ रहल ओ कहलनि ।
मधेशी आयोगद्वारा सञ्चालित लोकसेवा तयारी कक्षा (शाखा अधिकृत प्रथम पत्र)क लेल चयन भेनिहार व्यक्तिक नामावली देखबाक लेल एहि लिंकमे क्लिक करु ।
कोई टिप्पणी नहीं:
एक टिप्पणी भेजें